Jaýyn-shashyn mol jaýǵan kezde aýdan kóshelerin sý basý problemasy asa ózekti bolyp otyr - qala ákimi
Bul týraly Almaty ákimi Áýezov aýdany turǵyndarymen ótken kezdesýde málimdedi, dep habarlaıdy Almaty-akshamy.kz.
Qala ákiminiń málimdeýinshe, aýdan boıynsha únemi sý basatyn 5 aımaq anyqtalǵan (Tóle bı kóshesiniń qıylysy – Iassaýı kóshesi, Raıymbek dańǵyly – Momyshuly kóshesi. Raıymbek dańǵyly – Iassaýı kóshesi, Abaı dańǵyly – Altynsarın dańǵyly, Svetochnaıa kóshesi).
"Búgingi kúni tótenshe jaǵdaı tarapynan 2 aımaq retteldi (Raıymbek dańǵyly – Momyshuly kóshesi men Iassaýı kóshesine dıametri 1 metr ótkel salý arqyly), qalǵan 3 aımaq jyl sońyna deıin retteletin bolady. Ol úshin jyl sońyna deıin Momyshuly kóshesinde eni 1 metr jáne uzyndyǵy 2,1 km (Jubanov kóshesinen Raıymbek dańǵylyna deıin) jańa sý burý kanaly salynady, sondaı-aq Jubanov, Qabdolov, Ótegen batyr kósheleriniń boıyndaǵy uzyndyǵy 3,5 km kolektor qalpyna keltiriledi", - dep málimdedi E. Dosaev.
Sonymen qatar, qala ákimi 2023 jyldyń sońyna deıin uzyndyǵy 44 km bolatyn 67 kóshede aryq jelileri salynyp, qaıta jańǵyrtylatynyn aıtyp ótti. Jyldyń sońyna deıin uzyndyǵy 4 km bolatyn 5 kósheni aıaqtaý josparlanyp otyr (Ulyqbek kóshesi, Marǵulan kóshesi, Qabdolov kóshesi, Svetochnaıa kóshesi, "Aqsaı-4" shaǵynaýdanyna kiretin jol).