Erbolat Dosaev Áýezov aýdanyndaǵy jol-kólik ınfraqurylymy jaıynda aıtty.
Almaty ákimi Erbolat Dosaev osy jyl basynan bastap Áýezov aýdanynda uzyndyǵy 24,5 km bolatyn 22 kóshe men ótpe joldarda ortasha jóndeý jumystary júrip jatqanyn aıtty. Bul týraly qala basshysy halyqpen kezdesý barysynda aıtty, dep habarlaıdy Almaty-akshamy.kz.
Búgingi tańda uzyndyǵy 17,9 km bolatyn 20 kóshe men ótpe joldarda jumys aıaqtaldy.
«2022 jyl qarasha aıynyń sońyna deıin Saın (4,7 km) jáne Navoı (1,8 km) kóshelerinde ortasha jol jóndeý jumystary aıaqtalady. Aýdany 16,8 myń sharshy metr bolatyn 60 kóshege aǵymdaǵy jóndeý júrgizildi», - dedi qala basshysy.
Ákimniń aıtýynsha, kólik ınfraqurylymyn damytý maqsatynda Saın kóshesiniń batys jaǵynan Jandosov pen Shalápın kósheleriniń arasyna jáne Qabdolov kóshesiniń ońtústik jaǵynan Saın kóshesi men Altynsarın dańǵylynyń arasyna eki jańa aıaldama ornatý jumystary júrgizilýde. Jumystar 2022 jyldyń sońyna deıin aıaqtalady.
«Qajettilikke baılanysty 2023 jyly Ótegen batyr kóshesiniń batys jaǵynan Abaı dańǵyly men Qýanyshbaev kóshesiniń arasyna, Tóle Bı kóshesiniń ońtústik jáne soltústik jaǵy – Otar kóshesiniń buryshyna úsh qosymsha aıaldama ornatý josparlanǵan», - dedi Erbolat Dosaev.