Áýezov aýdanynda Almaty ákimi Erbolat Dosaevtyń halyqpen kezekti kezdesýi ótti. Qala basshysy aýdannyń damýy jáne turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 250-den astam adam keldi, dep habarlaıdy Almaty-akshamy.kz.
Aýdanda komýnaldyq ınfraqurylymdy jańǵyrtý ózekti másele bolyp qala beredi. Aǵymdaǵy jyldyń sáýir aıynan bastap jalpy uzyndyǵy 75,8 km sýmen jabdyqtaý jáne sý burý jelileriniń qurylysy jobalanýda. Qurylys 2023 jyldyń 2-shi toqsanynda bastalyp, 2024 jyldyń sońyna qaraı aıaqtalady. Joba aýdanda 11 myńnan astam abonementti sapaly sýmen jáne káriz júıesimen qamtamasyz etýge múmkindik beredi.
Qala ákimi Erbolat Dosaevtyń aıtýynsha, aýdandaǵy joldardyń paıdalaný sıpattamalaryn jaqsartý úshin jalpy uzyndyǵy 24,5 km bolatyn 22 kóshege ortasha jóndeý jumystary júrgizilýde. 2022 jyldyń qarasha aıynyń sońyna deıin Saın (4,7 km) jáne Navoı (1,8 km) kóshelerinde joldardy ortasha jóndeý aıaqtalady.
Aýdanda qatty jaýyn-shashyn kezinde sý basý máselesi ózekti bolyp qala beredi. TJ jelisi boıynsha 4 ýchaskeni joıý jumystary júrgizilýde (dıametri 1 m, Raıymbek dańǵyly – Momyshuly kóshesi jáne Iassaýı kóshesine ótý jolymen), jumystardy jyl sońyna deıin aıaqtaý josparlanýda.
Quqyqbuzýshylyqtardyń aldyn alý máselesi boıynsha aýdanda 168 beınebaqylaý kamerasy jumys isteıdi. Beınemonıtorıng júıeleriniń jelisin keńeıtý úshin qazan aıynda adamdar kóp jınalatyn jerlerde jáne kópqabatty turǵyn úılerdiń aýlalarynda qosymsha 359 kamera ornatý bastaldy. Barlyq kameralar 2022 jyldyń sońyna deıin ornatylady.
Oqýshy oryndarynyń tapshylyǵy máselesin sheshý úshin 1 qyrkúıekke qaraı 1 725 oryndy №117 jáne 132 mektepterge 2 qosymsha nysandar paıdalanýǵa berildi jáne 400 oryndyq "Dostyq" jekemenshik mektebi ashyldy. 4 mektepte (№122, 127, 141, BIL) seısmıkalyq kúsheıtý men kúrdeli jóndeý jalǵasýda. Jumystyń aıaqtalý merzimi – 2023 jyldyń 4 toqsany.
Mektepke deıingi uıymdarda oryn tapshylyǵyn qysqartý maqsatynda aǵymdaǵy jyly 348 oryndyq 6 jekemenshik balabaqsha ashyldy. Aýdanda 280 oryndyq eki memlekettik balabaqsha salý jumystary júrgizilýde. "Altyn besik" shaǵynaýdanynda 120 oryndyq birinshi balabaqshanyń qurylys-montaj jumystary 2023 jyldyń birinshi toqsanyna josparlanǵan. Ekinshi nysan boıynsha JSQ ázirleý kelesi jyly bastalady.
Medısınalyq qyzmet kórsetýdiń qadamdyq qoljetimdiligin qamtamasyz etý úshin "Mamyr-1" shaǵynaýdanynda bir aýysymda 200 adam qabyldaıtyn otbasylyq-dárigerlik ambýlatorıanyń qurylysy júrgizilýde. Jumystardy 2023 jyldyń I toqsanynda aıaqtaý josparlanýda, sondaı-aq "Qýanysh" shaǵynaýdanynda aýysymda 300 adam qabyldaıtyn №18 emhananyń jańa negizgi ǵımaratynyń qurylysy boıynsha jumystar júrgizilýde.
Sondaı-aq, qala ákimi Erbolat Dosaev "Halyq qatysatyn búdjet" baǵdarlamasynyń iske asyrylý barysy týraly habardar etti. Bıyl aýdanda 23 joba aıaqtaldy. 17 qoǵamdyq keńistik, 4 shaǵyn jaıaý júrginshiler aımaǵy abattandyrylyp, 2 avtomatty sýarý júıesi ornatyldy.
Almaty ákimimen kezdesý barysynda turǵyndar joldardy jóndeý, káriz jáne elektr jelilerin abattandyrý jáne t.b. máselelerin kóterdi.
Memleket basshysy Qasym-Jomart Toqaevtyń Jarlyǵymen bekitilgen halyqpen kezdesýdiń jańa formatyna sáıkes, jyl sońyna deıin Erbolat Dosaev halyqpen 24 kezdesý ótkizedi – 8 aýdannyń árqaısysynyń turǵyndarymen toqsanyna bir kezdesý.