Bul týraly búgin aýdan halqymen kezdesýge kelgen qala ákimi aıtty.
Bul ýchaskelerde sý qubyry men kanalızasıa jelileri 1960-1970-shi jyldary salynǵan jáne 90%-y tozǵan, dep habarlaıdy Almaty-akshamy.kz
Sapaly sýmen qamtý jáne sý burýmen qamtamasyz etý ákimdik jumysynyń basym baǵyty bolyp qala beredi.
Áýezov aýdanynda sýmen qamtý jáne sý burý jelilerin modernızasıalaýdy qajet etetin eń problemaly 4 ýchaske bar: bul «Dostyq shaǵyn aýdany», «Vosqod», «Sadovod», «Veteran» burynǵy 3 baý-baqsha seriktestigi, «Mamyr-4» shaǵyn aýdany, sondaı-aq Almas, Atameken jáne Qýanysh shaǵyn aýdandarynyń aýmaqtarynda.
Anyqtama úshin: Jalpy uzyndyǵy 83,7 km (sýmen qamtý – 27,5 km, sý burý – 56,2 km).
«Mamyr-4» shaǵyn aýdanyndaǵy sýmen qamtý jáne sý burý jelilerin rekonstrýksıalaý úshin memlekettik saraptamanyń oń qorytyndysy bar. Qurylys-montajdaý jumystarynyń bastalýy –
2024 jyldyń II-shi toqsany, aıaqtalýy - IV toqsan.
Búginde Saıyn jáne Ulyqbek kósheleriniń boıyndaǵy ýchaskelerde jalpy uzyndyǵy 1,6 km sý qubyry jelilerin rekonstrýksıalaý júrip jatyr. Qazirgi tańda uzyndyǵy 1 km ýchaskedegi jumystar aıaqtaldy. Qalǵan 600 m, onyń ishinde Jetisý-2 shaǵyn aýdany osy jyldyń qazan aıynyń sońyna deıin aıaqtalady.