Jańa buıryqtyń jobasy "Ashyq NQA" portalynda jarıalandy.
Oǵan sáıkes, áýejaılarda shekaralyq baqylaýdan ótý tártibi jolaýshylar úshin yńǵaıly bola túspek, dep habarlaıdy aqshamnews.kz
Kólik mınıstrligi áýejaılarda jolaýshylarǵa qyzmet kórsetýdi uıymdastyrý qaǵıdalaryn bekitý týraly buıryqqa ózgeris engizdi. Tıisti rásimder jeńil ári jyldam júrgizilýi shart. Atap aıtqanda:
shekara qyzmetimen kelisilgen ushý/qoný kezinde jolaýshylardyń rásimderdi ótý ýaqytyn retteıtin standarttyń bolýy;
baqylaýdan ótýge deıin jolaýshylar úshin rásimderdi ótý talaptary týraly qoljetimdi aqparattyń bolýy;
pasporttyq tekserý kezinde jolaýshylarǵa qyzmet kórsetýdiń jyldamdyǵyn shekara qyzmetimen kelisý;
jylyna 1 mıllıonnan astam jolaýshy aǵyny bar áýejaılarda pasporttyq baqylaýdyń avtomattandyrylǵan júıesiniń bolýy shart.
Sonymen qatar, qujatqa sáıkes, shekaralyq baqylaý qyzmetkerleri ádeptilik saqtaýy mańyzdy:
jolaýshylar aǵyny jáne aımaqtyń ótkizý qabiletin jedel ulǵaıtý múmkindigine qaraı shekaralyq baqylaý qyzmeti personalynyń táýliktik jumys kestesiniń bolýy jáne áýejaımen kelisýi;
qyzmetkerdiń syrtqy kelbetine qoıylatyn talaptar standartynyń jáne oryndalýyna baqylaýdyń bolýy shart.