Abyroı bolǵanda, jolaýshy áıeldiń zatyn umytyp ketken sómkesin polısıa qyzmetkerleri baıqap qalǵan.
Kóliktegi polısıa departamentiniń habarlaýynsha, oqıǵa 7 aqpanda bolǵan. Áıel kútý zalynda 4 myń dollar salynǵan sómkesin umytyp ketken, dep habarlaıdy Almaty-akshamy.kz
Túrkistan qalasynyń áýejaıyndaǵy jelilik polısıa bólimshesiniń bastyǵy Nuraly Nurjigit pen patrúldik polısıa qyzmetkeri Qaırat Qoshan qyzmettik mindetin atqarý kezinde jolaýshynyń qalyp qalǵan zatyn baıqaǵan. Olar sómkeniń ıesimen tez arada baılanys ornatyp, áıelge qarajatyn qaıtaryp bergen.
«Áıel Túrkistan áýejaıynyń departament basshylyǵyna jáne jelilik polısıa bólimshesiniń qyzmetkerlerine alǵys aıtyp, olardyń baıqaǵyshtyǵy men jaýapkershiligin atap ótti», – delingen habarlamada.