FlyArystan qolaısyz aýa raıyna bılanysty keı reıster keshigetinin eske saldy.
«Shymkent qalasynda búgin jaısyz aýa raıy saqtalyp tur. Atap aıtqanda qalyń tuman tústi, aınala anyq kórinbeıdi. Osyǵan baılanysty Shymkentten jáne Shymkentke ushatyn búkil reıster keshigýi múmkin» dep habarlady kompanıadan.
Qazirgi aýa raıy Shymkent áýejaıynda ushyp-qonýǵa múmkindik bermeıdi, sondyqtan ushý ýaqyty keıinge shegerilýi múmkin.
Áýekompanıa Shymkent áýejaıy aımaǵyndaǵy aýa raıy boljamyn úzdiksiz baqylap otyr.
Áýekompanıa reıs jolaýshylaryna:
— Eki saǵattan artyq keshikkende salqyn alkogólsiz sýsyn usynady
— Tórt saǵattan artyq keshikkende ystyq tamaq usynady.
Sýsyn men taǵam máselesi boıynsha áýejaıdaǵy FlyArystan ókilderine júginý kerek.
— Bes saǵattan artyq keshikkende bir ret tegin áýebılettiń ýaqytyn ózgertý múmkindigi usynylady.
Bes saǵattan artyq keshikkende qaıta brondaý múmkin bolmasa, jolaýshylar bıletti tarıf erejesine sáıkes qaıtara alady.