Bul týraly Asqat Aımaǵambetov óziniń Facebook-tegi paraqshasynda jazdy.
Mınıstr Almatyǵa jumys sapary barysynda «Ǵylym orda» ortalyǵynda bolyp, Ǵylymı kitaphananyń, muraǵattyń, sırek basylymdar qoımasynyń jumysymen tanysty, dep habarlaıdy Almaty-akshamy.kz
Ortalyqtyń qundylyǵy erekshe, sebebi onda bizdiń ǵylymı jáne mádenı muramyz, otandyq ǵalymdardyń ǵylymı-zertteý jáne aǵartýshylyq jumystary saqtalǵan.
«Almaty tragedıasy» kezinde bolǵan oqıǵalardy eskere otyryp, osyndaı óte qundy qorlardyń saqtalýyn qamtamasyz etý óte ózekti. Olardy sıfrlandyrýdy júrgizý, rezervtik kóshirmeler jasaýdy, katalogtandyrýdy, qyzmetkerlerdi oqytýdy, qoljazbalardy jáne basqa da derekkózderdi ǵylymı aınalymǵa engizýdi, ejelgi qujattardy qalpyna keltirýdi qamtamasyz etý qajet, sondaı-aq ótken oqıǵalar aıasynda olardyń saqtalý qaýipsizdigin qamtamasyz etý de mańyzdy», - dep jazdy Aımaǵambetov.
Vedomstvo basshysy saparynyń qorytyndysy boıynsha arnaıy ónerkásiptik skanerlerdi, tozǵan qundy kitaptar men ejelgi qoljazbalardy qalpyna keltirýge arnalǵan zerthanalyq jabdyqtardy, saqtaýǵa arnalǵan arnaıy sóreler men jáshikterdi, sondaı-aq qoımalardy qajetti temperatýralyq jaǵdaılarmen qamtamasyz etýge arnalǵan jabdyqtardy satyp alýǵa qarajat bólý týraly sheshim qabyldanǵanyn habarlady.
«Sondaı-aq, ǵalymdarmen birge biz ǵylymı ortalyqtyń jumysyn jańa deńgeıge kóterý máselesin talqyladyq. Óz tarapymnan mınıstrlik ǵylymı jumystardy sıfrlandyrý, bilikti mamandardy tartý, Ulttyq muraǵat qory materıaldarynyń rezervtik kóshirmelerin jasaý jáne jalpy osy ortalyqtyń barlyq ózekti máselelerin sheshý máselelerin baqylaýǵa alatynymyzdy atap ótkim keledi», - dep jazdy mınıstr.