Áýezov aýdany aldaǵy qysqy maýsymǵa tolyqtaı daıar. Óńirlik komýnıkasıalar qyzmetiniń alańynda jýrnalıserdiń suraqtaryna jaýap bergen kezde, aýdan ákimi Abzal Egemberdıev osylaı dep habarlady.
Onyń aıtýynsha, aýdan aýmaǵynyń sanıtarlyq jaǵdaıyn shamamen 20 merdiger uıym qamtamasyz etedi. Olar úsh negizgi baǵytta jumys isteıdi:
– kóshe-jol jelisin kútip ustaý,
– jasyl aımaqtardy kútip ustaý,
– aýla aýmaqtaryn tazalaý.
Qysqy kezeńde qar tazalaý men kóktaıǵaqtyń aldyn alý jumysyna 161 arnaýly tehnıka men 775 jol jumysshysy tartylady. Joldar men trotýarlardy der kezinde óńdeý úshin 8 myń tonna tuz ben 15 myń tonna qum-untaq ázirlengen.
«Barlyq merdiger uıym qar men kóktaıǵaq kezinde jedel jumys isteýge daıyn otyr. Aýdan turǵyndarynyń qaýipsizdigi men jaılylyǵyn qamtamasyz etý úshin kóshelerdi, áleýmettik nysandar men turǵyn úılerdiń kireberisin ýaqytyly tazalaýǵa qatty kóńil bólemiz»», - deıdi aýdan ákimi.
Sonymen qatar, ol qys boıy joldardyń jaǵdaıyna táýlik boıy baqylaý júrgiziletinin jáne kún raıy nasharlaǵan jaǵdaıda komýnaldyq qyzmetterdiń jedel áreket etetinin aıtty.
Daıyndalǵan qor men komýnaldyq qyzmetterdiń úılesimdi jumys isteýiniń arqasynda Áýezov aýdany qysty esh qıyndyqsyz ótkizýdi josparlap otyr.