Atyraýda aýdan ákiminiń jubaıy kúıeýinen zábir kórgendigi týraly málimdeme taratqan bolatyn. Atalmysh oqıǵaǵa qatysty oblys ákimshiligi habarlama taratqan bolatyn. Búgin oqıǵaǵa qatysty aýdan ákimi Rınat Ibragım áleýmettik jeli arqyly málimdeme taratty, dep habarlaıdy almaty-akshamy.kz.
Qurmetti áleýmettik jeli qoldanýshylary!
Búgingi áleýmettik jelide burynǵy jubaıymnyń vıdeoúndeýine qatysty tómendegideı túsinik berip ótkim keledi.
Burynǵy jubaıymnyń meniń atyma taqqan negizsiz aıyptaýlarymen jalǵan aqparattary BAQ-ta keńinen tarap ketti.
Jeke ómirim týraly pikir aıtýdyń qajeti joq dep sanaımyn.
Burynǵy jubaıym ártúrli áleýmettik jelilerde taraǵan sońǵy oqıǵalarǵa baılanysty, meniń laýazymdy tulǵa ekenimdi bile tura, osyndaı málimdemeler jasap jatqan sıaqty.
Bizdiń ortaq balalarymyz 2 qyzym menimen birge turady. Olar mahabbat pen súıispenshilikte ómir súrýde.
Mundaı sheshim 2 qyzymnyń qalaýy boıynsha qabyldanyp, budan basqa bul týraly sottyń zańdy sheshimi de shyqqandyǵyn habarlaımyn.
Shabýyl jasady degen aıyptaýlarǵa kelsek, qazir sot prosesi júrip jatqandyǵyn jáne de BAQ ókilderinen asyǵys qorytyndy jasamaýlaryn suraımyn, dep jazdy habarlamada.