AÝDAN AJARY AISHYQTALYP KELEDİ

Almaly aýdanynda aýdan ákimi Arman Shamshınniń qatysýymen BAQ ókilderine arnalǵan pres-týr ótti.
 
Pres-týrda jýrnalıser «Halyq qatysatyn búdjet» baǵdarlamasy aıasynda jańartylǵan Panfılov kóshesin, abattandyrylǵan «AZTM», «Shıpa Dent» skverleri men kúrdeli jóndeýden ótken M.Dýlatov atyndaǵy №136 mektep-gımnazıany aralap kórdi.  
 
Alystan kóz tartatyn aımaq
 
Aldymen jýrnalıser Almatynyń eń tanymal jaıaý júrginshiler kósheleriniń birine aınalǵan Panfılov kóshesinde atqarylǵan jumystarmen tanysty.
Almaly aýdanynyń ákimi Arman Shamshın atalmysh kósheniń qala turǵyndary men qonaqtary úshin jaıly demalys ornyna aınalǵanyn tilge tıek etip, aımaqqa aǵymdaǵy jyly qandaı jumystar júrgizilgeni týraly baıandady.
– 2017 jyly kósheni qaıta jańartý jobasy aıasynda Panfılov kóshesi jaıaý júrginshilerge arnalǵan demalys aımaǵyna aınalǵan bolatyn. Sodan beri kóshege eshqandaı jóndeý jumystary júrgizilmegen edi. Bıyl Qabanbaı batyr kóshesinen Jibek Joly dańǵylyna deıingi uzyndyǵy 1,3 shaqyrym aralyqqa jańǵyrtý jumystaryn júrgizdik, - dedi aýdan ákimi.
Spıkerdiń aıtýynsha, aǵymdaǵy jóndeý jumystary «Sity Development Service»JSHS qyrkúıek aıynda bastalyp, 30 qarashada tolyǵymen aıaqtalǵan. Joba boıynsha kósheniń jasyl aımaǵy keńeıtilip, 13 myń kópjyldyq butalar men 45 dana lıpa, alma, almurt sekildi jemis aǵashtary otyrǵyzyldy. 8 500 m2 aımaqqa asfált, 2000 m2 jerge qalyńdyǵy 8 sm bolatyn brýschatka tóselgen. 3500 m2 aýmaqtaǵy eski tas tósenishter aýystyryldy. Jol boıyna bordúrler men shoıynnan jasalǵan tórtburyshty lúkter ornatyldy. 130 dana jaıly oryndyqtar men  kompozıttik skameıkalar, bireýinde ınklúzıa elementteri bar, 2 oıyn alańdary qoıyldy. 3 sport alańyna shatyrlar ornatylyp, 2 sýburqaq jóndeldi. Jaryqtandyrý boıynsha 2,6 shaqyrym kabelder aýystyrylyp, jol belgileri ornatylǵan. Sondaı-aq, kóshe boıynan sheteldik týrıser úshin «Vızıt ortalyq», «Polısıa» pýnkti sekildi arnaıy úıshikterdi kórýge bolady.
Panfılov kóshesi ásirese, keshki mezgilde erekshe kúıge enedi. Qyzyl-jasyl shamdarmen bezendirilgen aımaqqa aptasyna shamamen 10-15 myń adam kelip, serýendeıdi. Al mereke kúnderi olardyń sany eki esege artady. Turǵyndardan suraǵanymyzda, kóshe boıyndaǵy túrli ılústrasıalar men jańa jyldyq shyrshanyń qasynda sýretke túskendi unatady eken.    
Aıta keteıik, Panfılov kóshesi Almatynyń ortalyǵynda ornalasqan. Ol ońtústik-shyǵysynda Qabanbaı batyr kóshesinen bastalyp, soltústik-batysynda Raıymbek dańǵylyna deıin sozylady.
 
Zamanaýı bilim ordasy
 
Pres-týrǵa qatysýshylar odan keıin Baızaqov kóshesi, 130-mekenjaıynda ornalasqan M.Dýlatov atyndaǵy №136 mektep-gımnazıaǵa bardy. Onda BAQ ókilderin mektep dırektory Talǵar Tórequlov qarsy alyp, kúrdeli jóndeýden ótken ǵımarattyń tynys-tirshiligimen tanystyrdy.
Búginde 750 oqýshy bilim alyp jatqan №136 gımnazıa mektebi 1989 jyly salynǵan. Qala ákiminiń tapsyrmasymen mektepte 35 jyl ishinde alǵash ret kúrdeli jóndeý júrgizildi. Sondaı-aq, ǵımarattyń seısmıkalyq tózimdiligi kúsheıtildi. Bilim berý úderisi bıylǵy 2 qazanda qaıta bastalǵan.  
– Mektebimiz seısmıkalyq tózimdilikti arttyra otyryp jasalǵan kúrdeli  jóndeý jumystarynan keıin 2 qazanda qaıtadan ashylyp, jumysyn bastaǵan bolatyn. Hımıa, bıologıa, fızıka, robototehnıka, ınformatıka pánderine arnalǵan jańartylǵan kabınetter jumys jasaýda. Barlyq pándik aýdıtorıa ınteraktıvti paneldermen jáne jańa jıhazdarmen jabdyqtalǵan. Oqýshylarǵa qosymsha bilim berý maqsatyndaǵy shahmat, toǵyzqumalaq, fýtbol, voleıbol, bı, dombyra sekildi túrli úıirmeler men sport alańdary jumys isteıdi. Akt zalynda zamanaýı úlken ınteraktıvti taqta ornatylyp,  asqanamyz arnaıy jabdyqtarmen, ydys-aıaqtarmen tolyǵymen jańartyldy. Mektep aýmaǵy kógaldandyrylǵan, qorshalǵan jáne oqýshylardyń demalýy úshin tolyq abattandyrylǵan. Ǵımarat dabyl, beınebaqylaý syndy barlyq qajetti qaýipsizdik júıelerimen qamtamasyz etilgen. Mektebimizdi zamanaýı talaptarǵa saı jabdyqtap, oqýshylarymyzdyń tolyqqandy bilim alýyna jaǵdaı jasaǵan Almaty qalasy ákimdigine mektep ákimshiligi men ustazdar, ata-analar tarapynan qala ákimdigine alǵys bildiremiz, - deıdi mektep dırektory T.Talǵatuly.
 
Bos jatqan jer ádemi sábaqqa aınaldy
 
Baspasóz-týry aıasyndaǵy úshinshi nysan - «Shyǵys AZTM» skveri boldy, Aýdan ákiminiń aıtýynsha, bul skver 2023 jyly «Nomad» turǵyn úı kesheni turǵyndarynyń ótinishi boıynsha «Halyq qatysatyn búdjet» jobasy aıasynda abattandyrylǵan.
Tóle bı kóshesi men Jarokov kósheleri qıylysynda paıda bolǵan demalys aımaǵy buryn qaraýsyz bos jatqan jer bolǵan. Abattandyrý, kógaldandyrý jáne avtomatty sýarý qurylǵylarymen jabdyqtalǵannan keıin bul aımaq turǵyndardyń súıikti demalys aımaǵyna aınalǵan. Skver búginde barlyq jastaǵy turǵyndardyń suranystaryna jaýap beretin otbasylyq jáne bos ýaqytty tıimdi ótkizetin taptyrmas oryn deýge bolady.
Jaıaý júrginshiler joly men demalys oryndaryn iske asyra otyryp negizgi kúshti tolyqtaı kógaldandyrýǵa baǵyttadyq. Sport alańy, balalardyń oıyn alańy men work out alańdar ornatyldy. Sondaı-aq, munda joba avtorlarynyń ıdeıasymen paıda bolǵan jasandy toǵan bar. Jazda toǵannyń ishi túrli gúlderge tolady. Toǵanǵa sý Jarokov kóshesindegi aryq jelileri arqyly keledi. Skverge 5000 myńnan astam gúl men 80 danaǵa jýyq aǵash otyrǵyzylǵan. Aǵashtyń ár shuńqyry bólek avtomatty sýarý júıesimen jabdyqtalǵan. Bul jalpy jasyl qordyń qýrap, joıylyp ketýine jol bermeıdi. Kún jylynǵanda skver jasyl jelek pen hosh ıisti gúlderge tolǵan tamasha demalys aımaǵyna aınalady.
– «Nomad» TK turǵynymyn. Biz ákimdikke bos jatqan jerdi abattandyrýǵa usynys joldaǵan bolatynbyz. Ótinishimiz qabyldanyp, búginde osyndaı keremet demalys aımaqa qol jetkizip otyrmyz. Maǵan bul jerdegi eń qatty unaıtyny – jasandy toǵan. Onda jaz kezinde lotostar otyrǵyzylady. Munda balalar oınaıtyn alań, sport alańdary sekildi barlyq qajetti jabdyqtar bar. Skver óte jaıly ári qaýipsiz, - deıdi aýdan turǵyny Alena Shın.
 
Adam tanymastaı ózgergen aımaq
 
Baspasóz týry boıynsha sońǵy barǵan nysanymyz Rozybakıev kóshesi men Dúısenov kósheleri qıylysynda paıda bolǵan «Shıpa Dent» skveri boldy.
«Halyq qatysatyn búdjet» baǵdarlamasy aıasynda abattandyrylǵan aımaqta buryn jabaıy saýda men retsiz kólik turaǵy bolǵan.
Búginde Almaty qalasyndaǵy qoǵamdyq keńistikterdiń birine aınalǵan aımaq tolyǵymen jańǵyrtylyp, turǵyndar úshin jaıly demalys ornyna aınaldy. Skverde jasyl jelekter, demalys oryndary jáne jaıaý júrginshiler aımaǵy qarastyrylǵan.  
– «Halyq qatysatyn búdjet» baǵdarlamasy – tamasha joba. Buryn adam aıtsa sengisiz stıhıalyq saýda orny bolǵan jer búginde adam tanymastaı ózgerip, turǵyndardyń bos ýaqytyn ótkizýge arnalǵan arnaıy abattandyrylǵan keńistikke aınaldy. Halyq únin estip, ótinishimizge qulaq asqan qala bıligine, aýdan ákimdigine alǵys aıtamyz. Bizde jaıaý júrginshiler joly, balalar oınaıtyn alań, qolaıly oryndyqtar, bári bar. Skver keshke qaraı jarqyrap turady., - deıdi aýdan turǵyny Ásel Nurǵazına.  
 
Týr barysynda aýdan ákimi Arman Shamshın júzege asyrylǵan jobalardyń mańyzdylyǵyn aıta kelip, jýrnalıserdiń saýaldaryna jaýap berdi.
– Sońǵy jyldary Almatynyń kórkeıýine «Halyq qatysatyn búdjet» baǵdarlamasynyń áseri kóp. Demalys aımaqtary qoǵamdyq keńistikterdi jaqsartý jáne qalanyń ekologıalyq jaǵdaıyn arttyrý maqsatynda mańyzdy ról atqarady. Biz árqashan aýdan turǵyndarynyń bastamalaryn qoldaımyz, - deıdi aýdan ákimi Arman Shamshın.    
   
Aıta keteıik, Almaly aýdanynda 2023 jyly «Halyq qatysatyn búdjet» baǵdarlamasy aıasynda 34 joba júzege asyrylsa, bıyl barlyǵy 52 joba iske qosylǵan.