Qostanaı jáne Soltústik Qazaqstan oblystarynda aýa raıynyń nasharlaýyna baılanysty kólik qozǵalysyna shekteý engizildi, dep habarlaıdy aqshamnews.kz
Qostanaı oblysy:
2024 jylǵy 16 jeltoqsan, saǵat 19:30-da "Ekaterınbýrg-Almaty" avtojolynyń 686-729 shaqyrym aralyǵynda (Sarykól aýylynan SQO shekarasyna deıin) kóliktiń barlyq túrine qozǵalys toqtatyldy. Joldy 2024 jylǵy 17 jeltoqsan, saǵat 08:00-de ashý josparlanýda.
Soltústik Qazaqstan oblysy:
"Ekaterınbýrg-Almaty" avtojolynyń 729-768 shaqyrym aralyǵynda (Qostanaı oblysynyń shekarasynan Toqsan bı aýylyna deıin) kóliktiń barlyq túrine qozǵalys shekteldi. Joldy 2024 jylǵy 17 jeltoqsan, saǵat 08:00-de ashý kózdelip otyr.
Jambyl oblysynda:
2024 jylǵy 16 jeltoqsan saǵat 21:00-de aýa raıynyń buzylýyna baılanysty "Almaty-Tashkent-Termez" avtojolynyń 159-238 shaqyrymy aralyǵynda (Kenen aýylynan Qaınar aýylyna deıin) kóliktiń barlyq túriniń qozǵalysyna shekteý qoıyldy.
Aýa raıynyń ózgeristerine nazar aýdaryńyz jáne jolǵa shyǵýdy josparlamas buryn jańartylǵan aqparatty tekserińiz.