Býndestag Olaf Sholsqa senimsizdik votýmyn bildirdi
Depýtattardyń basym kópshiligi bul sheshimge jeke daýys berý barysynda qoldaý kórsetti. Sholsqa senimsizdik bildirgenderdiń sany – 394, 207 depýtat kanslerdi qoldady, al 116-sy qalys qaldy.
Endi Olaf Shols Germanıa prezıdenti Frank-Valter Shtaınmaıerge parlamentti taratý týraly usynys engizýi tıis. Bul sheshimdi qabyldaýǵa Germanıa prezıdentiniń 21 kúni bar. Osy aralyqta qazirgi úkimet kezekten tys saılaý ótkenge deıin óz jumysyn jalǵastyra beredi. Saılaý 2025 jyldyń 23 aqpanyna josparlanyp otyr.
Daýys berý aldynda Hrıstıan-demokratıalyq odaq (HDS) jetekshisi Frıdrıh Mers Robert Habek bastaǵan «jasyldarmen» koalısıa qurý múmkindigin joqqa shyǵardy. Mers Habektiń salyqtardy kóterý jáne qaıta bólý saıasatyn synǵa alyp, ony «Germanıadaǵy ekonomıkalyq daǵdarystyń bet-beınesi» dep atady.