Epızootıalyq jaǵdaı QR Aýyl sharýashylyǵy mınıstrliginiń baqylaýynda
QR ASHM Atyraý oblysyndaǵy jylqylardyń ólimi men aýrýynyń sebebi parazıttik aýrýlar bolyp tabylady dep habarlady.
Zertteý nátıjesinde janýarlarda deláfondıoz, gastrofılez jáne paraskarıdoz parazıttik aýlýlary anyqtady. Qolda bar derekter boıynsha joǵaryda kórsetilgen dıagnozdar janýarlardyń jappaı qyrylýy men aýrýynyń negizgi sebebi bolyp tabylady. Aýrýmen kúresý úshin ǵalymdar janýarlardyń ıeleri men veterınarlarǵa parazıttik aýrýlar men gelmıntozdardy aldyn-alý jáne ýaqtyly emdeýdi usynady. (Ǵylymı-zertteý veterınarlyq ınstıtýtyń qorytyndysymen qosymshadaǵy slaıdtan tanysýǵa bolady) . Aýyl sharýashylyǵy mınıstriniń buıryǵyna sáıkes janýarlardyń asa qaýipti aýrýlarynyń tizbesine sáıkes janýarlardyń profılaktıka, dıagnostıkasy jáne joıylýy búdjet esebinen júrgiziledi. Qalǵan aýlardyń, onyń ishinde parazıttik aýlardyń veterınarıalyq is-sharalary janýarlar ıeleriniń esebinen júrgiziledi. QR ASHM Veterınarlyq baqylaý jáne qadaǵalaý komıteti ǵyly-zertteý ınstıtýtry mamandarynyń oblysqa jasaǵan saparlarynyń qorytyndysy boıynsha arnaıy jınalys ótkizdi. Jıynǵa qazaqstannyń jylqy ósirýshiler qaýymdastyǵynyń músheleri, ǵalymdar, ASHM aýmaqtyq ınspeksıasynyń jáne ákimdiktiń ókilderi qatysty. Kezdesý qorytyndysy boıynsha mınıstrlik óz kezeginde fermerlermen kezdesý alańyn usynýǵa al ǵylymı-zertteý ınstıtýttarynyń mamandary fermerlerge jan-jaqty qoldaý kórsetip, janýarlardy dıagnostıkalaý men emdeýdiń tıimdi ádisteri týraly kómek kórsetýge daıyn ekendikterin jetkizdi.