Áıel kishkentaı nárestesin satyp alatyn adam izdegen.
Atyraýda 32 jastaǵy áıel balasyn satty degen kúdikke ilindi, dep habarlaıdy Almaty-akshamy.kz
Polısıa departamentiniń aqparatyna qaraǵanda, kúdikti áıel Batys Qazaqstan oblysynan kelgen. Jasy – 32-de.
Kúdikti kishkentaı nárestesin satyp alatyn adam izdegen. Al, ákesine balanyń qaıtys bolǵanyn aıtqan.
Sóıtip, bala satyp alǵysy kelgen eki adamdy tapqan. Kóbirek aqsha usynǵan adamǵa balasyn ustatyp jibergen.
«Qazir kúdikti áıelge qatysty qylmystyq is qozǵaldy. QR Qylmystyq kodeksiniń 135-babynyń 2-bóliginiń 2-tarmaǵymen sotqa deıingi tergeý júrip jatyr. Kúdikti áıel men balasyna sot-bıologıalyq saraptama taǵaıyndaldy. Bala satýǵa baılanysty kýágerlerden jaýap alyndy», -dep habarlady departamenttiń baspasóz qyzmeti.
Ózge aqparat, QR Qylmystyq-prosestik kodeksiniń 201-babyna sáıkes, jarıalaýǵa jatpaıdy.