Ulttyq ıadrolyq ortalyqtyń dırektorynyń orynbasary Erbolat Qoıanbaev atom elektr stansıasy men jylý elektr stansıalarynyń qorshaǵan ortaǵa áserin salystyra otyryp, atom elektr stansıasynyń jylyna 1 gıgavatt elektr energıasyn óndirý arqyly 5,9 mıllıon tonna kómirdi, 2,2 mıllıon tonna mazýtty nemese 26 myń tekshe metr gazdy únemdeýge múmkindik beretinin atap ótti.
"Kómirdi tazalaý júıelerimen jabdyqtalǵan jylý elektr stansıasy jylyna 7-120 myń tonna kúkirt oksıdterin, 2-20 myń tonna azot oksıdterin, sondaı-aq 700-1500 tonna kúldi (tazalaý júıesi bolmasa eki-úsh ese kóp) jáne 3-7 mıllıon tonna kómirqyshqyl gazyn shyǵarady. Budan bólek, quramynda kadmıı, qorǵasyn jáne synap sıaqty ýly metaldary bar shamamen 400 myń tonna zıandy qaldyqtar túziledi. Osylaısha, AES-pen birdeı qýatqa ıe jylý elektr stansıasy atmosferaǵa áldeqaıda kóp qaldyq shyǵarady", — dep atap ótti Erbolat Qoıanbaev.