Aımaqtyq jáne qalalyq Halyqtyq shtab músheleri "Small" saýda úıinde jáne "Q-med" klınıkasynda ekspromt-kezdesýler ótkizdi. Bul kezdesýlerde atom energetıkasynyń álemdegi qazirgi jaǵdaıy jáne onyń elimiz úshin mańyzy talqylandy.
Álemdik tájirıbe: Eýropa, Reseı, AQSH, Qytaı elderi atom stansıalaryn salýǵa belsendi kirisip, keleshektegi energıa tapshylyǵyn boldyrmaýǵa kúsh salýda. Atom energetıkasy arqyly alynatyn energıanyń quny turaqty otyn baǵasyna baılanysty básekege qabiletti bolyp qalady, al stansıanyń qyzmet etý merzimi 60-80 jylǵa deıin uzartylady.
Ekologıalyq qaýipsizdik: 2060 jylǵa qaraı kómirdi paıdalanýdy toqtatý máselesi kún tártibinde. Bul rette, atom energıasy aýaǵa zıandy qaldyqtar shyǵarmaıtyn taza energıa kózi bolyp tabylady. Kóp jylǵy tájirıbe atom stansıalarynyń adamǵa jáne tabıǵatqa zıansyz ekenin dáleldep otyr. Jylý elektr stansıalary aımaǵyndaǵy sáýlelený dozalary atom stansıasy mańyndaǵy uqsas dozadan 5-10 ese artyq ekeni de anyqtalǵan.
Energıa tapshylyǵy jáne atom energetıkasy: Shtab múshesi Pirmuhamed Syzdyqovtyń aıtýynsha, qazirgi tańda energıa tapshylyǵy saldarynan biz kórshi elderge táýeldimiz. Atom stansıasy salynsa da, óz qajettiligimizdiń tek 12%-yn ǵana qamtı alady. Sondyqtan, reaktorlar sanyn arttyryp, beıbit ýrandy baıytý arqyly biz bul máseleni sheshe alamyz.
Basqa energıa kózderimen salystyrý: Kún men jel energıasy da damytylýda, biraq olardyń turaqsyzdyǵy atom energetıkasyna qajettilikti arttyryp otyr. Atom energıasy — turaqty ári senimdi energıa kózi. Onyń óndirisi halyqaralyq "MAGATE" uıymynyń qatań baqylaýynda bolady.
Energetıkalyq táýelsizdikke qadam: Qazaqstannyń energetıkalyq bolashaǵyn qamtamasyz etý úshin atom energetıkasy — eń tıimdi sheshimderdiń biri.