Bolashaqta balalarymyz ben nemerelerimiz sý men jaryqtan qınalmaýy kerek, dep habarlaıdy aqshamnews.kz.
«Mazkanyń» burynǵy qyzmetkeri, Aqtaýdaǵy plasmassa zaýytynyń qurylysyna qatysqan Qazaqstandaǵy atom elektr stansıasynyń qurylysy týraly pikirimen bólisti.
Asylan Bolatov 42 jyldan beri Aqtaýda turatynyn aıtady. Ol tek plasmassa zaýytynda ǵana emes, BN-350 reaktor qondyrǵysynyń qurylysyna belsendi qatysqan tájirıbeli maman.
- BN- 350 atom reaktorynyń úzdiksiz jumysynyń nátıjesinde jaryq pen sýdan tarshylyq kórmedik. Qazir reaktordy isten shyǵarý jumystary júzege asyrylýda.Búginde qala halqy úshin sýmen jáne elektr qýatymen jabdyqtaý máselesi kún ótken saıyn ótkirlenip barady. Qala aýmaǵyn kógaldandyrý, jasyl jelekti ýaqytyly sýǵarý jumysynda da qıyndyqtar kezigedi, - deıdi Asylan Bolatov.
Ol atom stansıalaryn salý óte mańyzdy dep sanaıdy.
- Bir-eki emes, birneshe AES salý qajet degen pikirdemin. Sonda ǵana sýmen jabdyqtaý júıesi birizdendiriledi. Atom elektr stansıalaryn reseılik mamandardyń qatysýymen salǵan jón. Qaı taraptan qarasaq ta tıimdi. Qural-jabdyqty alys shetelden arbalaýdyń qajeti joq. Men bolashaq urpaq úshin elektr stansıasyn salýdy qoldaımyn. Balalarymyz ben nemerelerimiz sý men jaryq máselelerin bilmeı ómir súrse eken deımin. Órkenıettiń osy ıgilikteri árdaıym qoljetimdi bolsa, tarıfter quny da kóterilmes edi, - deıdi Asylan Bolatov.