Qaraǵandy oblysyna qarasty 8 aýdan men 5 qaladan kelgen komandalar eki kún boıy baq synaıdy.
Qaraǵandyda Tuńǵysh Prezıdent kúnine jáne Táýelsizdiktiń 30 jyldyǵyna oraı erler arasynda asyq atýdan, al áıelder arasynda bes asyqtan oblys kýbogi bastaldy, dep habarlaıdy Almaty-akshamy.kz
Alǵashqy aınalymda sportshylar bes metr qashyqtyqtan asyq shıyryp, sheńberden shyǵarýǵa tyrysty. Mergenderi oblys quramasyna alynyp, aldaǵy naýryzda ótetin respýblıkalyq jarysta baǵyn synamaqshy. Aıta ketý kerek, Qaraǵandy komandasy jýyrda Pavlodar qalasynda ótken Qazaqstan kýboginda bas júldeni jeńip alyp, úsh birdeı azamat sport sheberi atanǵan.
«Bul irikteý jarysy bolyp anyqtalǵan. Alla jazsa, kelesi jyly, 2022 jyly ótetin respýblıkalyq jarysqa daıyndyq. Osy jarystyń qorytyndysy boıynsha úzdik oıynshylardy anyqtap, Qaraǵandy oblysynyń komandasyn jasaqtaımyz»,- dedi jarystyń bas tóreshisi Amangeldi Nurmuhanov.