Búgin – astana kúni. Bıyl elordamyzǵa 24 jyl. Osy ýaqyt ishinde qala turǵyndarynyń sany 4 ese ósti, dep habarlaıdy Almaty-akshamy.kz Inform.kz-ke silteme jasap.
Búro usynǵan málimetke sáıkes, 1998 jyly el astanasy atanǵan Aqmola qalasynda 326 myń adam turǵan. Sodan beri elorda turǵyndarynyń sany 4 esege jýyq ósip, qazir 1 mln 262 myń adamǵa jetti. Astanada 24 jyl burynǵydaı áıelderdiń sany basym.
Eger sol ýaqytta qalada 174 myń áıel jáne 152 myń er adam turǵan bolsa, qazir áıelder sany – 657 myń (52%), erler – 605 myń (48%).
1998 jyly elordada 3 400 bala dúnıege kelse, 2021 jyly 31 myń bala týǵan, osylaısha týý koefısıenti 11-den 25,9-ǵa (myń adamǵa shaqqanda) deıin ósti.
1998 jyly qalada 48 jalpy bilim beretin mektep jumys istegen. Qazir olardyń sany – 147. Al, aýrýhana uıymdarynyń sany 15-ten 45-ke deıin artty.