«Antıkor» tergeý jalǵasyp jatqanyn habarlady.
TJD basqarma basshysy Ortalyq stadıondy apattyq jaǵdaıda dep tanýǵa járdem kórsetkeni úshin 5 mıllıon teńge para alǵan, dep habarlaıdy Almaty-akshamy.kz.
«Antıkorrýpsıalyq qyzmet Q.Muńaıtpasov atyndaǵy Ortalyq stadıondy apattyq jaǵdaıda dep tanýǵa járdem kórsetkeni úshin Nur-Sultan qalasy boıynsha Tótenshe jaǵdaılar departamenti basqarma basshysyna qatysty kompanıa dırektorynan 5 mıllıon teńge somasynda para alý faktisi boıynsha tergep-tekserý amaldaryn bastady», - dep jazylǵan «Antıkor» habarlamasynda.
Sondaı-aq, tergeýdiń jalǵasyp jatqandyǵy, al ózge aqparat tergeý múddesi úshin jarıa etilmeıtindigi jazylǵan.
Kúdiktilerge qatysty olardyń kinásiniń dárejesin anyqtaı otyryp, qorytyndy sheshimdi sot qabyldaıdy.