Buǵan deıin ol egiz bala týǵan.
Sábılerdiń anasy Ajar Qabıtova jubaıymen birge 2020 jyly dúnıege kelgen qyzdary men 2022 jyly týǵan egiz balalaryn tárbıelep otyr, dep habarlaıdy Almaty-akshamy.kz
Sábıleriniń bári – uldar. Balalardyń salmaǵy – 3 myń, 2 300 jáne 2 500 gram
18 qańtarda Astanada bıyldyqqa alǵashqy úshem dúnıege keldi. Úshemdi osyǵan deıin egiz bala týǵan kelinshek bosandy. Sábıler №2 qalalyq kópsalaly aýrýhananyń akýsherlik blogynda dúnıege keldi, dep habarlady qala ákimdiginiń resmı saıty.
Jas ana júktiliktiń 34-aptasynda bosandy. Sábıleriniń bári – uldar. Balalardyń salmaǵy – 3 myń, 2 300 jáne 2 500 gram.
Jańa týǵan náresteler bir aptaǵa jýyq ýaqyttan beri №2 qalalyq kópsalaly aýrýhanada jatyr.
Dárigerlerdiń aıtýynsha, balalardyń densaýlyǵy jaqsy, azdap salmaq qosyp keledi. Udaıy dárigerlerdiń baqylaýynda. 24 qańtarda úılerine shyǵarylady.
Sábılerin dúnıege ákelýine kómekteskeni úshin Ajar óziniń Instagram akkaýntynda dárigerler men medısına qyzmetkerlerine alǵysyn bildirdi.
Astana qalasyndaǵy №2 qalalyq kópsalaly aýrýhananyń medısınalyq personaly men akýsherlik blok dárigerlerine, atap aıtqanda, Ardana Aıdarbekqyzy men Venera Ýsaınqyzyna alǵysymdy bildiremin, – dedi ol.