Otan qorǵaýshylar kúnine oraı Showdown ústel tenısinen múmkindigi shekteýli jandar arasynda arnaıy týrnır bastaldy, dep habarlaıdy almaty-akshamy.kz qala ákimdigine silteme jasap.
Elordada múmkindigi shekteýli jandar arasynda eń úzdikterdi anyqtaý maqsatynda qalalyq saıys bastaý aldy.
Atalǵan týrnırde 25 qatysýshy erler jáne áıelder sanaty boıynsha júldeni sarapqa salady.
"1000 shaqyrymdyq jol bir qadamnan bastalady demekshi, 2022 jyly osy Showdown federasıasyn alǵash tirkegen edik. Endi, mine, osy 23 sáýirde resmı reestrge kirgizilip, resmı túrde moıyndaldy. Bir jyldan astam ýaqytta qalalyq, respýblıkalyq deńgeıdegi dodalardy ótkizdik. Ózge óńirlerde 16 fılıalymyz ashyldy. Kishi qadamdarymyz úlken maqsatqa aınalýda. Buıyrsa, osy básekede TOP-3-ke kirgen sportshylar qazan aıynda 2-márte ótkiziletin respýblıkalyq jarysqa joldama alady. Dál qazirgi sátte Astanada osy sport túrimen 50-ge jýyq jan aınalysady. Maqsat – múmkindigi shekteýli jandardyń úıde ózderin shektemeı, qoǵammen aralasyp, óz potensıalyn ashý. Buıyrsa, tamyz aıynda alǵash ret showdown jaqsy damyǵan Bolgarıadaǵy halyqaralyq jarysqa jáne qarashada Shveısarıaǵa jol tartamyz. Statısıkaǵa nazar aýdarsaq, 2022 jyly bul 19 elde bolsa, qazir 37-ge ósken. Iaǵnı, bizde bir orynda turyp qalmaı, alǵa umtylamyz", - dedi Showdown respýblıkalyq federasıasynyń prezıdenti Júzbaı Serikuly.
Aıta keteıik, jarys jeńimpazdarynyń esimderi erteń belgili bolady.