Bul mach jańa shahmat patshasynyń esimin anyqtaıdy.
7 sáýir men 1 mamyr aralyǵynda elordada shahmattan álem chempıonaty ótedi. Onda álem chempıony ataǵy úshin Ian Nepomnáshıı (FIDE) men Dın Lıjen (QHR) baq synaıdy. Keshe Astana Ballet teatrynda chempıonattyń saltanatty ashylý rásimi ótti, dep habarlaıdy Almaty-akshamy.kz.
Dúbirli doda úshin Qazaqstan astanasyna álemniń túkpir-túkpirinen tanymal shahmatshylar, halyqaralyq shahmat federasıasynyń ókilderi keldi. Ian Nepomnáshıı (2793) men Dın Lıjen (2788) FIDE álemdik reıtıńinde ekinshi jáne úshinshi oryndarda tur.
Týrnırdiń saltanatty ashylý rásiminde Qazaqstan Respýblıkasynyń jáne halyqaralyq shahmat federasıasynyń ánurandary qatar shyrqaldy. Áserli qazaq mýzykasy, LED-ekrandaǵy elimizdiń ásem tabıǵaty týraly rolıkter, qazaq batyrlarynyń óner kórsetýi bul álemdik oqıǵanyń Qazaqstanda ótip jatqanyn aıshyqtaı tústi.
Aıtýly keshke Halyqaralyq shahmat federasıasynyń prezıdenti Arkadıı Dvorkovıch, Qazaqstan shahmat federasıasynyń prezıdenti Tımýr Týrlov, shahmattan álem chempıondary, grosmeısterler qatysty.
Aıta keteıik, týrnırdiń bas seriktesi jáne uıymdastyrýshysy – Freedom Holding Group, kompanıa 2 mln eýro kóleminde júlde qoryn tolyq qamtamasyz etýde.
Bul mach jańa shahmat patshasynyń esimin anyqtaıdy.