Osydan 13 jyl buryn Astana garnızonynda úsh qyzmetker qaza bolǵan edi.
Elordalyq qutqarýshylar dástúr boıynsha qyzmettik boryshyn atqarý kezinde erlikpen qaza tapqan áriptesterin eske aldy, dep habarlaıdy Almaty-akshamy.kz Tótenshe jaǵdaılar mınıstrliginiń resmı saıtyna silteme jasap.
17 aqpanda «Qutqarýshylar» saıabaǵynda ornatylǵan memorıalǵa gúl shoqtary qoıylyp, qutqarýshylar qyzmettik boryshyn atqarý kezinde erlikpen qaza tapqan áriptesterin bir mınýt únsizdikpen eske aldy.
Osydan 13 jyl buryn, 2010 jyldyń aqpan aıynda elordada burynǵy bombapana ǵımaraty órtengen bolatyn. Úsh qyzmetker sol órtten oralmady. Aldymen, bir órt sóndirýshi joǵalyp, ony izdeýge ketken 2 qyzmetker de qaıtyp kelmedi.
Valerıı Mıhaılovıch Zaısev elordada qıyn jáne aýyr órtterge shyqqan. Sol kúni polkovnıktiń oqıǵa ornyn jiti qarap, mán-jaıdy anyqtaý jáne áriptesin qutqarý úshin órtke ózi shyqqan bolatyn.
https://almaty-akshamy.kz/uploads/images/2023/02/image_750x_63f0b5764422d.jpg
Qutqarýshylar áriptesi Asqar Zabıkýlındi eske aldy. 2022 jyldyń qarasha aıynda elordada kóp qabatty úıdiń birinde órt bolyp, adamdardy qutqarý kezinde óz ómirin qaterge tikken órt sóndirýshi erlikpen qaza tapty. Ol árqashan óziniń erjúrektiligimen, batyldyǵymen jáne óz isine degen súıispenshiligimen erekshelendi. Jumysqa zor qurmetpen jáne jaýapkershilikpen qarady, joǵary dárejeli maman boldy.
https://almaty-akshamy.kz/uploads/images/2023/02/image_750x_63f0b5fe6bc07.jpg