«Zarechnaıa» qosalqy stansasynda seksıany ajyratqysh uıashyqtar órtendi.
Búgin tańerteń Astanadaǵy qosalqy stansalardyń birinde órt bolyp, saldarynan 23 turǵyn úı jaryqsyz qaldy, dep habarlaıdy Almaty-akshamy.kz qala ákimdigine silteme jasap.
Málimet boıynsha, búgin saǵat 8.20-da qýaty 110/10 kV bolatyn «Zarechnaıa» qosalqy stansasynda seksıany ajyratqysh uıashyqtar órtenip, saldarynan №1 jáne №2 qýattyq transformatorlar apattyq jaǵdaıda toqtatylǵan.
«Saǵat 8.40-ta qosalqy stansaǵa órt sóndirýshi top kelip, tilsiz jaýdy sóndirýge kiristi. Saǵat 9.40-ta órt aýyzdyqtaldy. Tehnologıalyq aqaýdyń sebepteri anyqtalyp jatyr. Apattan keıin qalpyna keltirý brıgadalary órtengen qondyrǵylardy aýystyryp, synaqtan ótkizedi. Elektr energıasyn berý shektelgen 23 turǵyn úı kesheni bar (A.Baıtursynuly, B.Momyshuly, Kereı-Jánibek handar, Á.Bókeıhan, Túrkistan, Máńgilik el, Telman kenti)», - dep jazylǵan resmı málimette.
Ákimdiktegilerdiń habarlaýynsha, úılerge jaryq elektr qýatyn berý órtengen qondyrǵylar tloyq tekserýden ótip bolǵannan keıin beriledi.