Astanada mas kúıinde kópirge shyqqan er adam 15 táýlikke qamaldy, dep habarlaıdy Aqshamnews.kz tilshisi.
Astana qalasynyń mamandandyrylǵan ákimshilik soty Qylmystyq emes quqyqbuzýshylyqtar týraly kodekstiń 434-babynyń 1-bóligi (usaq buzaqylyq) boıynsha azamat B.-ǵa qatysty ákimshilik isti qarady.
İs materıaldaryna sáıkes, er adam mas kúıinde kópir konstrýksıasyna shyǵyp, qoǵamdyq tártipti buzǵan jáne aınalasyndaǵylarǵa ashyq túrde qurmetsizdik kórsetken. Áleýmettik jelilerde taraǵan aqparatqa qaraǵanda, oqıǵa «Saraıshyq» kópirinde bolǵan.
Quqyqbuzýshylyq faktisi polısıa hattamasymen, kýágerdiń aıǵaqtarymen jáne oqıǵa ornyndaǵy beınejazbamen rastaldy.
Sot otyrysynda azamat B. óz kinásin tolyq moıyndap, jasaǵan áreketine ókinetinin aıtty.
Zańǵa sáıkes, bul bap boıynsha 20 AEK kóleminde aıyppul nemese 5-ten 15 táýlikke deıin ákimshilik qamaý kózdelgen.
Sot quqyqbuzýshylyqtyń sıpatyn, onyń qoǵamdyq qaýiptiligin, aıyptalýshynyń minez-qulqyn jáne ókinýin jáne mas kúıde bol faktorlardy eskere otyryp, eń joǵarǵy jaza - 15 táýlik ákimshilik qamaý taǵaıyndady.
Sheshim áli zańdy kúshine engen joq.