Qazaqstanda 18–20 qarashaǵa arnalǵan aýa raıy boljamy jarıalandy, dep habarlaıdy Aqshamnews.kz tilshisi.
RGP «Qazgıdromet» sınoptıkteriniń málimetinshe, aldaǵy kúnderi elimizdiń basym bóliginde atlantıkalyq sıklonnyń áserinen aýa raıy turaqsyz bolady. Respýblıkanyń kóp aımaǵynda jańbyr men qar, soltústik óńirlerde boran jáne kóktaıǵaq kútiledi.
Tek 19–20 qarashada elimizdiń ońtústik-batysynda, sondaı-aq shyǵystyń bir bóliginde antısıklonnyń yqpalynan jaýyn-shashynsyz aýa raıy saqtalady. Respýblıka boıynsha tuman túsip, jeldiń kúsheıýi boljanyp otyr.
«Temperatýralyq fon birqalypty saqtalady. Tek shyǵys óńirlerde túngi ýaqytta aýa temperatýrasy –6…–23°S, al kúndiz +2…+10°S shamasynda bolady», – dep habarlady «Qazgıdromet».
Sınoptıkter turǵyndardy aýa raıynyń qubylmaly bolýyna baılanysty saqtyq sharalaryn saqtaýǵa shaqyrady.