Astanada QR Oqý-aǵartý mınıstrliginiń qoldaýymen «INFORMATICS-ASIA» halyqaralyq kompúterlik jobalar baıqaýy bastaldy. Jarysqa 4 memleketten 184 jobamen 450 oqýshy qatysady, dep habarlaıdy almaty-akshamy.kz
Baıqaýdyń negizgi maqsaty:
- IT salasynda ǵylymı zertteýshilikke qyzyǵýshylyq tanytatyn daryndy jastardy anyqtaý, qoldaý jáne damytý;
- IT salasyn damytýdyń tıimdi quraly retinde daryndy oqýshylardyń ǵylymı-zertteý áreketine negizdelgen jańa jobalardy ázirleý;
- Ártúrli elderden oqýshylar men muǵalimderdi tartý arqyly halyqaralyq yntymaqtastyqty nyǵaıtý jáne shyǵarmashylyq tájirıbe almasý.
Jarys aǵylshyn tilinde júrgiziledi jáne alty baǵyt boıynsha ótedi: Robototehnıka - FLL Challenge jáne Arduino Hackathon; Kompúterlik baǵdarlamalaý; Kompúterlik grafıka jáne óner; Qoldanbaly ǵylymı jobalar; Qysqametrajdy fılmder; Qoldanbaly matematıka jobalary.
Aıta ketý kerek, atalmysh bilim báıgesi Qazaqstanda 10 jyldan beri ótkizilip keledi. Osy ýaqyt ishinde is-sharaǵa 20 memleketten 5000-ǵa jýyq oqýshy qatysty. Jarystan úzdik shyqqan júldegerler elimizdiń jáne álemniń bedeldi JOO granttaryna ıe bolyp, qazirgi tańda memleketimizdiń ár salasynda vıdeograf, dızaıner, programmıst sıaqty jumystar atqaryp keledi.
Baıqaý 18 jeltoqsan kúni qorytyndylanady.
Baıqaý uıymdastyrýshylary: QR OAM «Daryn» respýblıkalyq ǵylymı-praktıkalyq ortalyǵy jáne «Bilim-Innovasıa» halyqaralyq qoǵamdyq qory bolyp tabylady.