Astanada jıý-jıtsýdan uldar men qyzdar (U14), jasóspirimder men qyzdar (U16), kadetter (U18), jastar (U21) arasyndaǵy Álem chempıonaty óz máresine jetti, dep habarlaıdy Almaty-akshamy.kz.
Elordadaǵy Jaqsylyq Úshkempirov atyndaǵy «Jekpe-Jek» saraıynda ótken chempıonatta álemniń 42 elinen 1207 sportshylar óner kórsetti. Qazaqstan Respýblıkasynyń ulttyq qurama komandasy atynan 194 sportshy el namysyn qorǵady. Qazaqstandyq sportshylar baıraqty básekede 13 altyn, 19 kúmis, 37 qola medal alyp, jalpy komandalyq esepte 3 oryn aldy.
Búgingi tańda eresekter arasyndaǵy Qazaqstan Respýblıkasynyń ulttyq qurama komandasy josparly túrde Jazǵy Azıa oıyndaryna (Hanchjoý) qarqyndy daıyndyq ústinde.
Jazǵy Azıa oıyndaryna ulttyq quramadan erler 4 salmaqta (62, 69, 77, 85) jáne áıelder 4 salmaqta (48, 52, 57, 63) óner kórsetetin bolady.
