23 qańtar saǵat 00:19 shamasynda elordalyq TJD daǵdarys jaǵdaılary basqarmasyna jergilikti turǵyndardan jer silkinisiniń sezilgeni týraly 30-dan astam qońyraý tústi.
Astananyń Tótenshe jaǵdaılar departmenti bul máselege qatysty túsinikteme berdi, dep habarlaıdy Almaty-akshamy.kz.
«Habarlamalar túsken mekenjaılar boıynsha jedel-qutqarý bólimsheleri jiberildi, olar ǵımarattar men qurylystarǵa tekserý júrgizip, jer silkinisi faktileri rastalmaǵanyn aıtty. Astanada jer silkinisi bolǵan joq, bul Almatyda bolǵan jer silkinisiniń saldary boldy. Qazirgi ýaqytta 24-51-47 jáne 24-51-71 telefondary boıynsha jedel jeli jumys istep tur», delingen habarlamada.
Ǵylym jáne joǵary bilim mınıstri Saıasat Nurbek úkimet otyrysynan keıingi brıfıń barysynda elordalyqtardy sabyrǵa shaqyryp, ýaıymdaýǵa esh sebep joq ekenin aıtty.
«Jer asty dúmpýi, seısmıkalyq tolqyn aıtarlyqtaı qatty boldy. Rıhter shkalasy boıynsha silkinis 6,5-7 baldy qurady. Jer asty dýmpýi Ortalyq Qazaqstanǵa da áser etti. Ol ońtústikten soltústikke baǵyttaldy. Sondyqtan álsiz bolsa da ony Astana turǵyndary da sezindi. Astana Turan platformasynda ornalasqanyn eske sala ketkenim oryndy bolar. Bul óte turaqty, eski platforma. Sondyqtan bul jaı aftershok boldy. Ýaıymdaýǵa sebep joq», dedi Saıasat Nurbek.