Astanada baılanys salasy mamandarynyń alǵashqy respýblıkalyq kásibı sheberlik baıqaýy bastaldy
Baılanys qyzmetkerleri kúni qarsańynda Qazaqstan Respýblıkasynyń Sıfrlyq damý, ınovasıalar jáne aeroǵarysh ónerkásibi mınıstrligi baılanys mamandaryna arnalǵan alǵashqy respýblıkalyq kásibı sheberlik baıqaýyn uıymdastyrdy.
15 mamyrda Astanada bastalǵan baıqaýǵa elimizdiń ár óńirinen kelgen, telekomýnıkasıa salasyndaǵy 9 jetekshi kompanıanyń ınjenerleri men baılanys mamandary qatysýda. Baıqaýdyń maqsaty – baılanys salasyndaǵy jumysshy mamandyqtardyń abyroıyn arttyrý, salany jastar arasynda keńinen nasıhattaý jáne mamandardyń kásibı daǵdylaryn damytý.
