Astanada polısıa qyzmetkerleri besinshi qabattaǵy balkonnyń terezesinen sekireıin dep turǵan áıeldi qutqaryp qaldy, - dep habarlaıdy aqshamnews.kz tilshisi.
Polısıa departamentiniń málimetinshe, tańerteń "102" nómirine qaladaǵy turǵyn úı keshenderiniń birinde áıeldiń besinshi qabattaǵy tereze karnızinde turǵany jáne tómen qulap ketýi múmkin ekeni týraly habarlama túsken. Oqıǵa ornyna birden patrúldik polısıa ekıpajy jetti.
Páter esigin ashqan tártip saqshylary tereze shetinde turǵan 27 jastaǵy áıel adamdy kórdi.
Qaýip deńgeıin baǵamdaǵannan keıin polıseıdiń biri áıelmen sóılesip, onyń kúızelisin azaıtýǵa tyrysyp baqty. Onyń nazaryn basqa jaqqa aýdarǵan sátte patrúl qyzmetkeri terezeden tartyp shyǵaryp aldy, osylaısha qaýipti jaǵdaıdyń aldyn aldy.
"Qazir oǵan psıhologtar kómektesip jatyr, oqıǵanyń mán-jaıy anyqtalyp jatyr" – dep habarlady polısıa.