Túrkístan oblysynyń Jetísaı audany, Alǵabas auylynda bolǵan alapat órtten zardap shekken ekí nauqas auruhanadan shyǵaryldy. Olarǵa qazír ambulatorıyalyq em taǵaıyndalǵan. Būl turaly Densaulyq saqtau mınıstrlígí Medıtsınalyq kómektí ūıymdastyru departamentíníń dırektory Gúlnar Sársenbaeva málímdedí, - dep habarlaıdy aqshamnews.kz tıílshísí.
Sársenbaevanyń aıtuynsha, órtten aman qalǵan 1986 jylǵy er adam men 1990 jylǵy áıeldíń jaǵdaıy jaqsaryp, 30 qarashada statsıonardan shyǵarylǵan."Túrkístan oblysynda órtten zardap shekken ekí adamnyń qazírgí jaǵdaıy qanaǵattanarlyq. 30 qarashada olar auruhanadan shyǵarylyp, ambulatorıyalyq emge jíberíldí", – dedí ol Májílís kuluarynda.
Densaulyq saqtau mınıstrlígíníń ókílí būl ekí patsıent Shymkent qalalyq auruhanasynan shyqqannan keıín jaǵdaıyn árí qaraı baqylau úshín Jetísaı audandyq auruhanasyna qaıta jatqyzylǵanyn aıtty.
Auruhanadan shyqqan 1986 jylǵy er adam osy qaıǵyly oqıǵadan úsh kún būryn kóz jūmǵan jetí jasar qyzdyń ákesí ekení belgílí boldy.
2018 jylǵy qyz bala kóz jūmdyÓrtten aman qalǵan 2018 jyly tuǵan búldírshínníń jaraqaty óte auyr bolǵan.
12 adamnyń ómírín qıǵan órt"Ókíníshke qaraı, 2018 jylǵy qyz bala 30 qarashada alǵan jaraqatynyń auyrlyǵyna baılanysty qaıtys boldy. Marqūmnyń tuǵan-tuystaryna qaıǵyra kóńíl aıtamyz", – dedí Gúlnar Sársenbaeva.
Eske salaıyq, 18 qarashada saǵat 05:36-da Túrkístan oblysy Jetísaı audany Alǵabas auylynda ekí qabatty jer úı órtke oranǵan. Oqys oqıǵa saldarynan 12 adam, onyń íshínde toǵyz bala qaza tapty.
Órt kezínde úsh adam auruhanaǵa jetkízílgen edí. Alaıda em-domǵa qaramastan, keıín 2018 jylǵy qyz bala auruhanada jan tapsyrdy.
Qylmystyq ís qozǵaldyTúrkístan oblysynyń polıtsıya departamentí órt qauípsízdígí talaptaryn saqtamau deregí boıynsha qylmystyq ís qozǵaǵan. Qazír órttíń naqty sebebí men jauapty tūlǵalar anyqtalyp jatyr.