«Astana Zdorovie – 2021» 17-shi qazaqstandyq kórmesi ótedi
27-29 qazan kúnderi EXPO halyqaralyq kórme ortalyǵynyń alańynda «Astana Zdorovie – 2021» 17-shi qazaqstandyq halyqaralyq kórmesi ótedi, dep habarlaıdy Almaty-akshamy.kz
Halyqaralyq kórme – respýblıkanyń soltústik jáne ortalyq óńirlerinde medısınalyq, zerthanalyq jabdyqtardy, shyǵys materıaldaryn, dárilik preparattardy, medısınalyq maqsattaǵy taýarlar men medısınalyq qyzmetterdi kórsetýdiń tıimdi alańy.
Bıyl «Astana Zdorovie 2021» kórmesiniń qatysýshylaryn mazmundy iskerlik baǵdarlama, kezdesýler men kelissózder kútip tur. Pikirtalastarǵa, semınarlar men dóńgelek ústel otyrystaryna mınıstrlikter men vedomstvolardyń ókilderi, emdeý mekemeleriniń basshylary, tájirıbeli dárigerler, ǵalymdar men tehnologtar qatysady.
Kórme aıasynda EXPO HKO alańynda MedTech halyqaralyq forýmy, «Koronavırýs ınfeksıasyn zerthanalyq dıagnostıkalaý» konferensıasy, «Koronavırýs ınfeksıasy pandemıasynyń sabaqtary» semınary uıymdastyrylady.
Buǵan qosa, 28 qazanda EXPO HKO ǵımaratynda Qazaqstan Respýblıkasy Densaýlyq saqtaý mınıstrligi men «SK-Farmasıa» JSHS uıymdastyrǵan GLOBAL PHARM I Halyqaralyq farmasevtıkalyq forýmy ótedi.
«Astana Zdorovie – 2021» kórmesi QR Densaýlyq saqtaý mınıstrliginiń, Nur-Sultan qalasy ákimdiginiń, Reseı Federasıasynyń Qazaqstan Respýblıkasyndaǵy Saýda ókildiginiń, «Qazaqstannyń FarmMed ındýstrıasy» Qazaqstannyń farmasevtıkalyq jáne medısınalyq ónimderin óndirýshiler qaýymdastyǵynyń, Halyqaralyq farmasevtıkalyq óndirýshiler qaýymdastyǵynyń qoldaýymen uıymdastyrylatyn bolady.