Astana Qazaqstan Team shabandozy Sımone Velasko Komano Termede ótken 227 shaqyrymdyq toptyq jarysta jeńiske jetip, Italıanyń jańa chempıony atandy.
Velasko jarys jolynyń fınaldyq bóliginde pelotonnan bólinip shyǵyp, kóshbasshylardyń shaǵyn tobynan sprıntte alǵa ozyp, tıtýldy jeńip aldy.
"Bul óte qıyn jarys boldy. Biraq, komandamen birge qajetti jolmen eńserdik. Biz barlyq ýaqytta alda boldyq. Tynbaı eńbek ettik. Jaǵdaıdy baqylap otyrdyq. Aldymen Leonardo Basso uzaq ýaqyt boıy kósh basynda keremet jumys jasady. Sodan keıin basqa jigitter maǵan úlken qoldaý kórsetti. Sondaı-aq, Samýele Battıstella tamasha jumys jasady. Bul maǵan jarystyń sońǵy bóliginde bar kúshimdi jáne sergektikti saqtaýǵa múmkindik berdi. Kúsh biriktirip, bir ujym bolyp jarys kúnin keremet ótkizdik. Men jeńiske jetkenime óte qýanyshtymyn jáne maqtan tutamyn. Bul men úshin bolashaqqa úlken motıvasıa boldy, jumysty jalǵastyrýǵa jáne jańa úlken maqsattarǵa umtylýǵa jigerlendiredi", - dedi Sımone Velasko.
Velasko úshin bul aǵymdaǵy maýsymdaǵy ekinshi jetistik. Buǵan deıin ol "Valensıa Výeltasynyń" úshinshi kezeńinde jeńiske jetti. Astana Qazaqstan Team komandasynyń eki shabandozy Krıstıan Skaronı (9-oryn) men Samýele Battıstella (10-oryn) da jarystyń úzdik ondyǵyna endi.