Qazirgi ýaqytta Astana - Shýchınsk tasjolynda úlken jol apaty oryn aldy. shchuchinsk_life áleýmettik jelisinde jarıalanǵan vıdeode ondaǵan kóliktiń apatqa ushyraǵany kórinedi. Apattyń naqty sebepteri men saldarlary týraly resmı aqparat ázirge jarıalanǵan joq.
«QazAvtoJol» ulttyq kompanıasy búgin tańerteń óziniń resmı habarlamasynda osy jolda aýa raıynyń nasharlaýyna baılanysty qozǵalystyń shektelgenin málimdedi. Bul óńirde qalyń qar jaýyp, joldy muz basqan. Tuman túsip, jol kórinbeı qalǵan. Osyǵan baılanysty qazirgi tańda bul tasjolda barlyq kólik túrleri úshin qozǵalysqa shekteýler engizilgen.