QMA Mańǵystaý oblysy boıynsha departamenti "Ózen kólik qurastyrý zaýyty" JSHS basshylyǵyna qatysty úleskerlik qurylys retinde azamattardyń qarjysyn zańsyz tartý deregi boıynsha júrgizilgen tergeýdi aıaqtady, - dep habarlaıdy aqshamnews.kz tilshisi.
Eki jyl boıy kompanıa basshylyǵy Jańaózen qalasynda "Astana Rich Village" turǵyn úı keshenin qajet ruqsat qujattarynsyz, jobalyq-smetalyq qujattamasyz, memlekettik saraptama men avtorlyq qadaǵalaýsyz salǵany anyqtaldy.
Turǵyndardyń qarjysyn tartý úshin túrli ınternet-resýrstarda páterlerdiń naryqtan tómen baǵamen satylatyny týraly jalǵan jarnamalar jarıalanǵan. Sonyń nátıjesinde 23 azamatpen aldyn ala satyp alý-satý týraly jalǵan kelisimsharttar jasalǵan.
Zańsyz tartylǵan qarajat kólemi 303 mıllıon teńgeden asty.
Tergeý málimetinshe, jınalǵan aqsha qurylys materıaldaryn alýǵa jumsalǵandaı kórsetilip, keıin kásiporyn kasasynan qolma-qol aqshaǵa aınaldyrylyp, shyn máninde jeke qajettilikterge baǵyttalǵan. Al turǵyn úı qurylysy aıaqtalmaı qalǵan.
Úleskerlerdiń múddesin qorǵaý maqsatynda sot sanksıasymen kúdiktilerge tıesili múlikke - turǵyn úı, páter, eki avtokólik jáne úsh jer ýchaskesine tyıym salyndy.
Kúdiktilerdiń biri qamaýǵa alynsa, ekinshisine bultartpaý sharasy retinde kepil qoldanylǵan.
QR QPK-niń 201-baby boıynsha ózge aqparat jarıalanbaıdy.