Jetísu oblysynyń prokuraturasy jeke sot oryndaushylarynyń tabysyn jasyru derekterín anyqtady, - dep habarlaıdy aqshamnews.kz tílshísí Taldyqorǵan prokuraturasyna sílteme jasap.
Tekseru barysynda bírqatar jeke sot oryndaushylarynyń (JSO) 2023 jylǵa arnalǵan 240.00 nysandy jeke tabys salyǵy deklaratsıyasynda naqty tapqan kírísterín edáuír tómendetíp kórsetkení belgílí boldy.
Prokuratura būl "kóleńkelí" tájírıbe salyq zańnamasyn ǵana emes, adal salyq tóleushílerge qatysty ádíldík qaǵıdattaryn da būzatynyn atap óttí.
Resmı statıstıkaǵa sáıkes, ayaqtalǵan atqarushylyq óndírísterdíń naqty kólemí 896,1 mln teńge bolǵan. Alaıda salyq deklaratsıyalarynda bar bolǵany 231 mln teńge ǵana kórsetílgen. Yaǵnı jasyrylǵan aıyrmashylyq 665,1 mln teńgege jetken.
Qala prokuraturasynyń ūsynuy nátıjesínde úsh jeke sot oryndaushysy qosymsha salyq deklaratsıyalaryn tapsyryp, sonyń negízínde 2,6 mln teńge kólemínde qosymsha salyq tólegen.
Osyndaı ūqsas būzushylyqtar barlyǵy 17 jeke sot oryndaushydan anyqtaldy. Qazír prokurorlyq qadaǵalau aktísín oryndau maqsatynda uákílettí organ JSO-lardyń salyq bereshegín óndíru boıynsha sharalar qabyldap jatyr.