Qazgıdromet Almaty jáne taǵy birneshe qalanyń turǵyndaryna eskertý jasady, - dep habarlaıdy Massaget.kz tilshisi.
"16 shildede Qaraǵandy, Temirtaý, Óskemen, Aqtóbe, Almaty qalalarynda, túnde Atyraý, Qostanaı jáne Astana qalalarynda qolaısyz meteorologıalyq jaǵdaıǵa baılanysty aýa lastanady", - dep jazylǵan habarlamada.
Qolaısyz meteorologıalyq jaǵdaı - aýanyń betki qabatynda zıan zattar shoǵyrlanýyna yqpal etetin qysqa merzimdi meteofaktorlar (tymyq aýa raıy, jel, tuman) jıyntyǵy.
Inversıa – bul aýa raıyndaǵy erekshe qubylys: jyly aýa sýyq aýanyń ústine ornalasyp, ony “qaqpaq” sıaqty basyp qalady. Ádette jer betine jaqyn aýa jyly bolady da, joǵary kóterilip, lastaýshy zattardy alyp ketedi. Biraq ınversıa kezinde sýyq aýa tómengi qabatta qalyp qoıady da, barlyq gaz, shań men tútin sol qabatta jınalady. Bul qubylys ásirese iri qalalarda aýa sapasynyń nasharlaýyna ákeledi.