Júlde qory – 11,3 mln teńge. Músháıra qorytyndysy Astana kúni qarsańynda jarıalanady.
Qazaqstanda Astana kúnine arnalǵan respýblıkalyq jyr músháırasy ótedi.
Músháıranyń júlde qory:
- Bas júlde – 3,3 mln teńge;
- Birinshi oryn – 2,2 mln teńge;
- Eki ekinshi oryn – 1,1 mln teńge;
- Úsh úshinshi oryn – 660 myń teńge;
- Bes yntalandyrý syılyǵy – 330 myń teńge.
Músháıraǵa esh jerde jaryq kórmegen óleńder, tolǵaýlar qatysa alady. Úmitkerler shyǵarmasyn 2023 jyldyń 15 maýsymyna deıin Astana qalasyndaǵy «Tarıhı mádenı murany saqtaý jáne paıdalaný ortalyǵyna» ótkizýge tıis. Hatta avtordyń aty-jóni, mekenjaıy, baılanys telefony, elektrondyq poshtasy mindetti túrde kórsetilýi kerek.
Músháıra qorytyndysy Astana kúni qarsańynda jarıalanyp, marapattaý rásimi 30 maýsym kúni Astana qalasynyń «Jastar» teatrynda ótedi.
«Astanany jyrlaý – azattyqty jyrlaý, tarıhymyzdy jyrlaý, ult bolashaǵyn jyrlaý, táýelsizdik jolynda qurban bolǵan erler rýhyn jyrlaý dep bilgenimiz jón. Sondyqtan da bıylǵy músháıranyń taqyryp aıasy barynsha keń. Júlde qory da óte qomaqty. Ádiletti Qazaqstan qurýǵa bet buryp otyrǵan tarıhı kezeńde aqyndardy osy dúbirli jyr báıgesine qatysýǵa shaqyramyz», – dep jazylǵan habarlandyrýda.