Almatydaǵy Astana alańynda megapolıstiń basty jańa jyldyq konserti bastaldy. İs-sharanyń shymyldyǵyn QR Eńbek sińirgen artısi Baqyt Shadaeva ashyp, «Qosh keldiń, Jańa jyl» ánin oryndady. Sosyn taǵy bir ánimen kórermenderdi ásem áýenge bóledi. Odan keıin sahnada QR mádenıet salasynyń úzdigi Tahmına Áshimbekova ónerin pash etti.
Kesh barysynda almatylyqtar men qala qonaqtaryna qazaqstandyq estrada juldyzdary óner kórsetedi. Olardyń qatarynda Maqpal Isabekova, Álisher Kárimov, Aqylbek Jemeneı, Beıbit Qorǵan, Dáýlet Janbolat, Jubanysh Jeksenuly, Dıana Ismaıl, Abaı Begeı, İnjý Ánýarbek, Ábik Jeksen, Asqat Tarǵyn, Dálel Ýashev, Maqsat Bazarbaev jáne Dáýren Baıbóri bar.
Sondaı-aq Ringo, Ninety One, Ayree, Astra, Dakelot jáne Muzart Life toptary da sahna tórinde óner kórsetip, jınalǵan qaýymǵa merekelik kóńil-kúı syılaıdy.