Astana qalasy ákimdigi qyzmettik kólikterdiń ornyna taksı paıdalaný arqyly 2 mıllıardtan astam teńge únemdegenin málim etti, dep habarlaıdy aqshamnews.kz.
Bul sheshim 2018 jyly qabyldanyp, qalada qyzmettik kólikterdiń ornyna taksı qoldaný boıynsha zertteý bastalǵan kezde engizildi. Buǵan deıin «Avtohozáıstvo Astany» uıymy avtoparkti ustap turýǵa jylyna shamamen 600 mıllıon teńge jumsaıtyn.
Joba iske qosylǵannan keıin akımat qyzmettik kólikterdi satyp alý, jóndeý jáne júrgizýshilerdiń shtatymen qamtamasyz etý qajettiliginen qutyldy. Nátıjesinde qala búdjetinen 2 mıllıardtan astam teńge únemdeldi.