2023 jyldyń 21 aqpan kúni saǵat 15:00-de Almaty qalasynyń tarıh Murajaıynda sýretshi Ásel Sabyrjanqyzynyń «Assol. Tulǵalar – shabyt bastaýy...» kórmesiniń ashylýy ótedi.
Kórme TÚRKSOIdyń Almaty qalasyndaǵy keńsesimen birlese uıymdastyrylyp, uıymnyń 30 jyldyǵy aıasynda ótkizilýde, dep habarlaıdy Almaty-akshamy.kz.
Ásel Sabyrjanqyzy (Assol) – sýretshi, stanoktyq keskindemeniń sheberi, ónertaný ǵylymynyń magıstry. Ol bes jasynan bastap sýret salýmen aınalysady. Boıjetkenniń áleýmettik jelidegi paraqshasyndaǵy kórsetken ónerin eshqandaı óner mekemelerinde oqytpaıdy, munyń bári uzaq tájirıbe men qajyrly eńbek.
Ásel óz jumysynda sımvoldyq grafıka ádisin paıdalanady. Bul shaǵyn quramdas bólikterden quralǵan, adamnyń portretiń salatyn kezdegi ádis bolyp tabylady. Bul ádistiń bir mysaly – Áseldiń «Kózimniń qarasy» ániniń sózderin paıdalanyp salǵan Abaıdyń portreti. Almatylyq sýretshiniń qaıtalanbas qabiletteriniń biri – eki qolmen, ári eki aıaqpen qatar sýret sala bilýi. Osylaısha ol árbir Qazaqstan azamatyna belgili tulǵalardyń alty realısik portretin saldy.
Neıroterapevt Bıll Skottyń aıtýynsha, Áseldiń sýret salý barysynda mı belsendiligi shamadan tys artady.
Ásel shyǵarmashylyq kózqaras pen qazaq ónerin halyqaralyq deńgeıde tanytqany úshin, Qazaqstan Respýblıkasynyń Prezıdenti Qasym-Jomart Toqaevtyń jeke marapatyna ıe boldy.
Sýretshi aldaǵy ýaqytta óziniń mektebin ashýdy josparlap otyr. Kórme Almaty qalasynyń mádenı ómirindegi aıtýly oqıǵalardyń biri bolmaq.
Kórme 2023 jyldyń 2 naýryzyna deıin jalǵasady.