Sanıtarıalyq rejımdi buzýǵa jol bergenderge qatań shara qoldaný kerek Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy almaty-akshamy.kz
«Jalpy epıdemıologıalyq jaǵdaı turaqty bolyp tur. Infeksıalyq aýrýhanalardaǵy oryndardyń júktemesi 30 paıyz, al reanımasıalyq oryndardyń júktemesi 26 paıyzdy qurap otyr. Degenmen, bul aýrýdyń Eýropanyń birqatar elderinde jáne de shekaralas elderde óskenin eskersek, sanıtarıalyq talap is-sharalary jappaı saqtalýǵa tıis. Barlyq óńirlerde ákimdikter sanıtarıalyq talaptardyń saqtalýyn baqylaıtyn monıtorıń toptarynyń jumysy men tıimdiligin kúsheıtsin. Sanıtarıalyq rejımdi buzýǵa jol bergenderge qatań shara qoldaný kerek», - dedi Úkimet basshysy.
Onyń dereginshe, qazirgi ýaqytta 8,5 mln-nan astam adam birinshi komponentti, 7,7 mln adam ekinshi komponentti saldyrdy. Al 22 qarashadan bastap revaksınasıalaý bastalady.
«Osyǵan baılanysty egý pýnktteriniń, medısına uıymdary men medısına jumyskerleriniń ázirligin qamtamasyz etý qajet», - degen Asqar Mamın jalpy baqylaýdy orynbasary Eraly Toǵjanovqa júktedi.