Bir kúnde áskerı qyzmetshiler 45 lıtr qan tapsyrdy.
Ulttyq qorǵanys ýnıversıtetiniń áskerı qyzmetshileri donor bolýǵa bastama kóterdi. Qaıyrymdylyq sharasyn uıymdasqan túrde ári yńǵaıly ótkizý maqsatymen áskerı oqý ornyna astanalyq qan ortalyǵynyń qyzmetkerleri arnaıy keldi, dep habarlaıdy Almaty-akshamy.kz.
Áskerı-gýmanıtarlyq ǵylymdar fakúltetiniń 1 kýrs magıstranttarynyń bul bastamasy áriptesteri tarapynan qyzý qoldaý taýyp, aksıaǵa 100 adam qatysty.
– Biz qıyn jaǵdaıǵa tap bolyp, shuǵyl kómekke muqtaj adamdarǵa kómektesýdi sheshtik. Dostarymyz ben jaqyndarymyzdan qan qory óte qundy resýrs ekenin bilemiz. Bizdiń bul ıgi bastamamyz adam ómirin saqtap qalýǵa qosqan úlesimiz bolsyn, – dep atap ótti Ulttyq qorǵanys ýnıversıtetiniń tyńdaýshysy podpolkovnık Mıras İztileýov.
Qan ortalyǵy qyzmetkerleri ýnıversıtettiń medısınalyq qyzmetimen birlesip, oqý ornynda barlyq sanıtarlyq talaptarǵa sáıkes keletin qabyldaý pýnktin ashty. Medısınalyq mekeme ókilderi atap ótkendeı, olardy áskerı adamdardyń belsendiligi tań qaldyrdy.
Bir kúnde áskerı qyzmetshiler 45 lıtr qan tapsyrdy. Donorlardyń pikirinshe, mundaı aksıalar turaqty negizde ótkizilip turýy kerek.