Kólikterdi zańdastyrý
Armenıadan ákelingen jáne ýaqytsha esepke qoıylǵan sary belgidegi memlekettik tirkeý nómirlerin alǵan kólik quraldary aǵymdaǵy zańdastyrý sheńberinde tirkeýge jatady. Bul týraly QR İİM ÁPK erekshe tapsyrmalar jónindegi aǵa ınspektory Altynbek Jamalıev málimdedi, dep habarlaıdy Almaty-akshamy.kz.
"Armenıa Respýblıkasynan ákelingen jáne ýaqytsha esepke qoıylǵan sary belgidegi memlekettik tirkeý nómirlerin alǵan kólik quraldary da aǵymdaǵy zańdastyrý sheńberinde tirkeýge jatady. Sonymen birge aq memlekettik tirkeý belgisin alý múmkindikteri bar. Alaıda atalǵan kólik ıeleri tirkeý elinen avtokólikterin sheship alý boıynsha İİM-ge ártúrli suraqtarmen júginip jatyr. İshki ister mınıstrligi Syrtqy ister mınıstrligimen birlese, Armenıadaǵy áriptesterin tarta otyryp, osy suraqqa baılanysty kólikti qashyqtan sheshý jáne esepten shyǵarý máselelerin pysyqtap jatqanyn jetkizemiz", - dedi QR İİM ÁPK erekshe tapsyrmalar jónindegi aǵa ınspektory Altynbek Jamalıev.
Aldynda QR İİM avtokólikterdi zańdastyrý boıynsha suraqtarǵa tyńǵylyqty jaýap bergen bolatyn.