QR Qarýly kúshteri Áýe qorǵanysy kúshteri tikushaqtarynyń ekıpajdary jergilikti halyqty qutqarýǵa, azyq-túlik, jyly kıimder men birinshi kezekte qajetti zattardy jetkizýdi jalǵastyrýda.
Qutqarý jumystary Aqtóbe, Qostanaı jáne Abaı oblystarynda júrgizilip jatyr, dep habarlaıdy Almaty-akshamy.kz.
30 naýryzda áskerı ushqyshtar 38 márte ushty.
Jalpy ushýǵa 15 saǵattan astam ýaqyt ketti. Osy aralyqta 222 adam evakýasıalandy.
Tabıǵı apat aýdandaryna salmaǵy myń keli apattan qutqarý múlki men tótenshe jaǵdaılar qyzmetiniń 19 mamany jetkizildi.
Evakýasıalyq pýnktterge 10 tonna kóleminde gýmanıtarlyq kómek jetkizilip, túsirildi.
Áýe qorǵanysy kúshteriniń jeke quramy táýlik boıy ekstremaldy jaǵdaıda jumys isteýde.
Qazirgi ýaqytta qutqarý sharalaryna 7 tikushaq jumyldyrylǵan.