Bul týraly Jarlyqqa Memleket basshysy bıylǵy jyldyń 4 naýryzynda qol qoıǵan bolatyn.
Barlyq garnızondarda áskerı qyzmetshilerdiń Jaýyngerlik týmen qoshtasý rásimderi ótip jatyr, dep habarlaıdy Almaty-akshamy.kz QR QM baspasóz qyzmetine silteme jasap.
Qazaqstannyń Qarýly Kúshterinde merzimdi áskerı qyzmetin ótkergen 6 000-nan astam áskerı qyzmetshini zapasqa shyǵarý bastaldy. Otan aldyndaǵy mindetin abyroıly atqarǵan sarbazdarǵa komandırleri alǵys aıtyp, úılerine saltanatty túrde shyǵaryp salyp jatyr.
El Prezıdenti Qasym-Jomart Toqaevtyń tapsyrmasyna sáıkes, kóptegen áskerıler áskerde ekonomıkanyń naqty sektorynda qajet jumysshy mamandyqtaryn meńgerdi. Zapasqa shyǵarylatyn sarbazdardyń kóbi 2022 jyldyń qańtarynda tótenshe jaǵdaı rejımin qamtamasyz etý sharalaryna tartyldy.
Áskerı bólimderdiń komandırleri atap ótkendeı, bir jyl ishinde merzimdi qyzmettegi sarbazdar shynyǵyp, áskerı mamandyqtardy meńgerdi. Jaýyngerlik daıarlyqta joǵary nátıjelerge qol jetkizip, muny birneshe márte is júzinde kórsete bildi.
Oqý-jaýyngerlik tapsyrmalardy sapaly oryndaǵany jáne qyzmettegi jetistikteri úshin erekshelengen áskerı qyzmetshiler alǵys hattarmen, gramotalarmen jáne áskerı bólimniń Jaýyngerlik týynyń janynda túsken fotosýrettermen marapattaldy.
Zapasqa shyǵarylǵannan keıin sarbazdar áskerı-oqytylǵan rezerv retinde turǵylyqty jeri boıynsha jergilikti áskerı basqarý organdarynda esepke qoıylady.