Bógetter jasaý úshin 2,5 myńnan asa qap qum daıyndady
Batys Qazaqstan oblysy ákiminiń ótinishi boıynsha QR Qarýly kúshteri aýmaqtyq qorǵanys brıgadasynyń jeke quramy sý tasqynyna qarsy is-qımylǵa qosyldy, dep habarlaıdy Almaty-akshamy.kz.
Kún jylyp, qardyń qarqyndy erýi Oral – Samara jolyn jáne oblys ortalyǵynyń «Zashaǵan» shaǵyn aýdanyndaǵy birneshe úıdiń sý basýyna ákep soqty.
– Bizdiń bólimshe sýǵa tosqaýyl qoıý úshin qalaǵa kómek kórsetý qajet ekeni týraly habarlamaǵa shuǵyl sheshim qabyldady. Keshe jumysqa 35 áskerı qyzmetshi jumylsa, búgin taǵy da 18 adam qatarǵa qosyldy, – dedi 99250 áskerı bóliminiń komandıri polkovnık Rasýl Zakırov.
Áskerı bólimniń jeke quramy Tótenshe jaǵdaılar mınıstrligi men «Jaıyq taza qala» JSHS bólimsheleriniń mamandarymen tyǵyz baılanysta jumys istep jatyr. Qazirgi ýaqytta áskerı qyzmetshiler bógetter jasaý úshin 2,5 myńnan asa qap qum daıyndady.